Të rinjtë në tre vende evropiane janë kritikë të ashpër ndaj dy vendeve më të fuqishme në botë, ShBA-së dhe Kinës, ka zbuluar një studim.
Siç raporton BBC, ata janë të shqetësuar për rolin e SHBA-së si “polici i botës” dhe fuqinë ekonomike në rritje të Kinës, thotë Qendra Kërkimore Pew me qendër në ShBA.
Shumë prej të rinjve kanë shprehur shqetësime se si ShBA e ka përdorur fuqinë e saj në skenën globale dhe kritikuan veprimet e saj jashtë vendit duke i konsideruar si interes vetjak.
“Në të tre vendet dhe katër grupimet ideologjike, të rinjtë evropianë janë të palëkundur në mendimin se ShBA vepron si polici i botës në dëm të komunitetit botëror,” shkruajnë studiuesit.
Gjithashtu të rinjt kishin akuzë për hipokrizi drejtuar ShBA-së për argumentimin e të drejtave të njeriut dhe demokracisë jashtë vendit, pa i rregulluar problemet e saj në vend.
Sa i përket probabilitetit të ndikimit në opinion, Emanuel Deutschmann në Universitetin gjerman të Flensburgut tha se të rinjtë evropianë kishin jetuar “vitet e tyre formuese” gjatë kohës së Trump, e cila mund të ketë pasur dëme të qëndrueshme në pikëpamjen e tyre për ShBA.
Gjetjet bazohen në fokus grupe me rreth 120 të rritur të moshës 18-29 vjeç në MB, Francë dhe Gjermani, përderisa pjesëmarrësit ishin nga i gjithë spektri ideologjik.