Këngëtari i njohur shqiptar, Ermal Fejzullahu, ka mbetur i prekur nga një gjest shembullor i një doktori kosovar gjatë kohës së luftës.
Ai ka ndarë me ndjekësit e tij në InstaStory një histori të vërtetë të vitit 1999, kur një ushtari të UÇK-së i ishte paguar fatura te doktori nga vet ky i fundit.
Përkundër shifrës së çmimit dhe ofrimit të shërbimit privat, për respektin se ka qenë ushtar i Ushtrisë Çlirimtare të Kosovës, doktori në fjalë kishte shkruar “të paguara më 1999” në faturën e analizave të ushtarit.
I prekur nga ky gjest, Fejzullahu shkroi në InstaStory se njerëz të tillë do të ishte mirë të kishte më shumë në ditët e sotme.
Foto: Ermal Fejzullahu/InstaStory
“Sikur të kishte me shume njerëz të tillë”, kanë qenë fjalët e Ermalit përbri këtij imazhi.
Kujtojmë që shumë këngëtarë të njohur nga estrada kanë vlerësuar punën e UÇK-së të bërë gjatë luftës dhe një pjesë e madhe e tyre në nderim të rënëve për liri, kanë realizuar këngë patriotike me tematikë Ushtrinë Çlirimtare të Kosovës.
https://www.instagram.com/p/CAa-f4lhjII/?utm_source=ig_embed
