Instituti i Kosovës për Drejtësi (IKD), ka organizuar sot tryezën e diskutimit: “Kuvendi i privilegjeve”.
Në këtë tryezë ku u diskutua edhe për mungesën e deputetëve nëpër seanca, shefi i grupit parlamentar të Aleancës për Ardhmërinë e Kosovës, Besnik Tahiri, ka thënë se është problematike mungesa e kuorumit pa veprim politik.
“Nëse ka diçka më së shumti që më pengon është gjuha jo parlamentare. Këto elemente krijojnë shumë pengesa në funksionim”.
“Mungesa e kuorumit. Është tepër me rëndësi që kuorumi të sigurohet. Ne si opozitë e kemi veprimin tonë politik. Ne nuk jemi në qeveri me ja bo votat VV-së. Mirëpo praktika nënshkruaj e dil, pa veprim politik, është e papranueshme”.
“S’ka logjikë të mos dihet se për çfarë kam votuar unë. Duhet të gjendet forma e votimit elektronik. Ta bëjmë një tender njëburimor dhe t’i bëjmë pajisjet”.
