Besnik Tahiri, Shef i Grupit Parlamentar i AAK-së, ka thënë se qeveria e tanishme e drejtuar nga Albin Kurti është duke i shkaktuar dëme vendit.
Andaj sipas tij sa më shpejt që vendi shkon në zgjedhje do të ishte më mirë.
“Viti 2024 është vit zgjedhor, për shkak se edhe për zgjedhjet e rregullta ato duhet të shpallen më së herët gjashtë muaj, e më së voni katër muaj, para zgjedhjeve. Kjo nënkupton që partitë politike do të punojnë për përpilimin e listave dhe zgjedhjeve”, ka thënë ai.
“Kjo nuk është problem, pra caktimi i zgjedhjeve të parakohshme apo të rregullta. Problemi është që kjo qeveri po i shkakton dëme të mëdha vendit dhe është duke e dëmtuar në rrafshin e brendshëm, në veçanti në varfërimin e ekonomisë që është në rrafshin më të ulët në historinë e vet”.
“Sa më shpejt që kjo qeveri shkon, është më mirë për Kosovën dhe qytetarët e saj”.
Tahiri i AAK-së për Qeverinë Kurti: Sa më shpejt që shkon, më mirë
