Një doktor i repartit të pulmologjisë në spitalin e përgjithshëm “Isa Grezda” në Gjakovë është arrestuar, pasi i njëjti ka kërcënuar ushtruesin e detyrës së drejtorit në këtë spital, Ardian Jusufin.
Jusufi ka raportuar në Polici se për shkak të ndërrimeve të bëra në repartin e Pulmologjisë, i dyshuari i revoltuar për ndryshim e vendit të punës e kishte telefonuar duke i thënë:
“Pse ma ki ndrru vendin e punës. Ta shkër***** nonen, guxo dil tash e mbas në rrugë”.
Rastin për Insajderin e ka konfirmuar Policia e Kosovës, duke bërë të ditur se i dyshuari është arrestuar dhe rasti vazhdon të hetohet.
“Me datë 22.01.2022 rreth orës 19:00, viktima (ushtrues i detyrës se drejtorit ekzekutiv te spitalit të përgjithshëm “Isa Grezda”, Gjakovë) deklaron se për shkak të ndërrimeve të bëra në repartin e pulmologjisë, i dyshuari i revoltuar për ndryshim e vendit të punës kishte thirrur përmes telefonit viktimën duke i thënë: “Pse ma ki ndrru vendin e punës”, si dhe “Ta shker***** nonën, guxo dil tash e mbas në rruge”, dhe e ka mbyllur telefonin. I dyshuari është arrestuar dhe pas intervistimit me urdhër te Prokurorit Kujdestar është liruar në procedurë të rregulltë. Rasti është nën hetim”, ka thënë zëdhënësi i policisë më Gjakovë, Nusret Gjurkaj.
