Szunyog pas vizitës në veri: Zhvillimet e fundit përbëjnë rrezik për qytetarët që jetojnë atje

Shefi i Zyrës së Bashkimit Evropian në Kosovë, Tomas Szunyog, ka bërë të ditur se ka qenë për vizitë në komunat veriore të vendit.

Ai, me anë të një shkrimi në X, ka deklaruar se nga atje ka dëgjuar nga mendime të ndryshme për situatën politikë aktuale në terren në veri.

“Zhvillimet e fundit janë një kujtesë e ashpër dhe tragjike e asaj që është në rrezik për njerëzit që jetojnë në veri të Kosovës, për sigurinë e të gjitha komuniteteve dhe për më gjerë në rajon”, ka thënë Szunyog./Klankosova.tv