Trajneri i Kombëtares së Shqipërisë, Sylvio Mendes Campos Júnior, ka marrë sot nënshtetësinë shqiptare.
Kjo “dhuratë” atij iu bë gjatë mbrëmjes gala të organizuar nga Federata Shqiptare e Futbollit.
Pas fjalimit të tij, kryeministri i Shqipërisë Edi Rama, e ftoi në skenë presidentin Bajram Begaj.
“Sot së bashku me presidentin duam të të deklarojmë një qytetar shqiptar”, tha Rama.
Me këtë rast u shpreh edhe presidenti Begaj:
“Presidenti kërkoi mbështetjen e qeverisë, duke bërë një kontribut modest sot, duke i dhënë një kontratë legale, unë po i bëj një kontratë legale duke e legalizuar si shqiptar”, tha Begaj.
Ndërkohë, braziliani Sylvinho, u shpreh tejet i lumtur me këtë rast.
Kombëtarja “Kuq e zi” nën drejtimin e tij arriti të kualifikohet në “EURO 2024”, që vitin e ardhshëm mbahet në Gjermani.
Kjo është hera e dytë që Shqipëria, e mbërrin këtë sukses.
Ishte viti 2016-të, kur kombëtarja shqiptare arriti të kualifikohet për herën e parë në Kampionatin Evropian.
