Ministri i Punëve të Brendshme, Xhelal Sveçla, e ka pritur në takim emisarin Posaçëm të Gjermanisë për Ballkanin Perëndimor, Manuel Sarrazin.
Sveçla deklaroi se me gjermanin kanë biseduar në lidhje me ecurinë e takimit të fundit të Procesit të Berlinit.
“Biseduam po ashtu për masën e kontrolleve manuale të sigurisë për mallrat që hyjnë nga Serbia në pikën kufitare në Merdarë. Zyrtarët tanë shtetëror po e zbatojnë këtë vendim me përkushtim me qëllim të garantimit të sigurisë së vendit tonë deri në funksionalizimin e sistemeve të skanerëve “X” që do të lehtësojnë edhe punën e tyre edhe pritjet në pika kufitare. Falënderova z. Sarrazin për angazhimin e tij të vazhdueshëm në avancimin e bashkëpunimit rajonal”, tha Sveçla.
