Shërbimi Korrektues i Kosovës ka ngritur komision hetimor lidhur me rastin e ikjes së të dënuarit M.K nga Qendra Korrektuese në Dubravë.
Po ashtu, SHKK ka marr vendim për largimin e përkohshëm deri në përfundim të hetimit të dy zyrtarëve korrektues, L.R dhe B.H.
Ky vendim do të mbetet në fuqi deri në vendimin final të komisionit disiplinor.
I burgosuri M.K u largua nga pavijoni gjysmë i hapur i Qendrës Korrektuese të Dubravës dhe i njëjti ishte i dënuar me shtatë muaj burgim për veprën penale, sulm ndaj personit zyrtar.
