Pentagoni është duke hetuar disa dokumente që supozohet të jenë të klasifikuar të inteligjencës së ShBA-së dhe NATO-s për Ukrainën, ku tashmë këto dokumente po qarkullojnë në rrjete sociale.
Siç shkruan CNN, zyrtarët amerikanë thonë se dokumentet janë rrëshqitje të vërteta, pjesë e një kuverte të madhe të inteligjencës ditore të prodhuar nga Pentagoni për luftën.
Në lidhje me ngjarjen, zëvendës-sekretarja e Pentagonit, Sabrina Singh, tha se Departamenti i Mbrojtjes është në dijeni të raporteve të publikuara në rrjete sociale, teksa shtoi se çështja është duke u shqyrtuar.
Një nga imazhet që ka qarkulluar në kanalet ruse në rrjetin social “Telegram’, shihet një dokument i titulluar “Ndërtimi i fuqisë luftarake të UAF nga ShBA-të dhe aleatët”.
Dokumenti i cili daton nga shkurti, dhe i cilësuar si sekret, liston sasitë e disa sistemeve të armëve perëndimore që ka aktualisht në dorë Ukraina, ofrimin e parashikuar të sistemeve shtesë dhe trajnimin që Ukraina ka ose pritet ta ketë mbi këto sisteme luftarake.
Një tjetër dokument titullohet si “Shtabi i përbashkët i Rusisë/Ukrainës J3, J4, J5 përditësimi ditor D+370” dhe renditet po ashtu si sekret, transmeton Klankosova.tv.
J3 i referohet drejtorisë së operacioneve të shtabit të përbashkët të ushtrisë amerikane. J4 merret me logjistikën dhe inxhinierinë. J5 propozon strategji, plane dhe rekomandime politikash, ndërsa “D+370” i referohet datës së prodhimit të dokumentit – 370 ditë pas ditës kur Ukraina u pushtua nga Rusia.
Një dokument i tretë është një hartë, e renditur si top sekret, që tregon statusin e konfliktit që nga 1 marsi. Harta tregon vendndodhjet dhe madhësitë e batalioneve ruse dhe ukrainase, si dhe humbjet totale të vlerësuara nga të dyja palët ku numrat e viktimave në këtë dokument janë ato që zyrtarët besojnë se janë verifikuar– humbjet ruse janë në fakt shumë më të larta se “16,000-17,500 të vrarë në luftë” të listuara në dokument.
Dokumenti thotë gjithashtu se 61,000-71,500 ukrainas janë vrarë në luftë, një numër për të cilin zyrtarët thanë gjithashtu se ishte i redaktuar si më i lartë se vlerësimet aktuale të Pentagonit.
Ndërsa dokumenti i katërt është një parashikim i motit nga shkurti, i listuar si sekret, që vlerëson se ku mund të ngrijë toka në Ukrainë në një mënyrë që do të ishte e favorshme për manovrimin e automjeteve.
