Mandarinat janë një superushqim i vjeshtës, por përveç shijes së tyre të mrekullueshme dhe freskuese, konsumimi i këtij fruti ka përfitime të shumta që do t’ju bëjnë të dëshironi t’i hani më shpesh.
Hulumtimet tregojnë se konsumimi i rregullt i mandarinave ka përfitime për shëndetin, formën dhe pamjen tonë.
Vetëm një mandarinë siguron pothuajse një të tretën e nevojës ditore për vitaminë C, dhe gjithashtu përmban komponime aktive që kontribuojnë në vetitë e saj anti-inflamatore dhe antioksiduese. Por kjo nuk është e gjitha. Më poshtë ju paraqesim më shumë përfitime të këtij ushqimi.
Forcojnë imunitetin
Siç e dimë të gjithë, mandarinat janë shumë të pasura me vitaminë C, një antioksidant që parandalon përhapjen e përbërësve që dëmtojnë qelizat e shëndetshme në trup, duke mbajtur kështu imunitetin të fortë.
Ato nxisin rritjen e flokëve
Përveç vitaminës C, mandarinat janë të pasura edhe me vitamina B dhe E, të cilat ndihmojnë në ruajtjen e shëndetit dhe bukurisë së flokëve tuaj. Për shkak se ato ndihmojnë flokët të jenë sa më të shëndetshëm, ato rriten shumë më shpejt.
Tretje më e mirë
Falë fibrave, mandarinat janë të shkëlqyera për ruajtjen e shëndetit të sistemit të tretjes dhe gjithashtu mund të falënderoni fibrat. Përkatësisht, fibra e tretshme krijon një të ashtuquajtur “xhel” në traktin tretës që sjell ujë në zorrë për të zbutur jashtëqitjen, duke e bërë më të lehtë lëvizjen e zorrëve. Ato ndihmojnë edhe te kapsllëku dhe ngërçet e dhimbshme, por edhe rregullojnë jashtëqitjen.
Ato ulin rrezikun e kancerit
Është vërtetuar se mandarinat mund të zvogëlojnë rrezikun e zhvillimit të kancerit të mëlçisë. Gjegjësisht, karotenoidet e pranishme në mandarina për shkak të përqendrimit të lartë të vitaminës A janë vërtetuar se zvogëlojnë rrezikun e kancerit, dhe lëngu i mandarinës mund t’u jepet pacientëve me hepatit C. Përveç kësaj, ky frut i shëndetshëm ndihmon në parandalimin e kancerit të gjirit.
E mbajnë zemrën të funksionojë siç duhet
Mandarinat janë një ushqim veçanërisht i shëndetshëm për zemrën. Përkatësisht, flavonoidet dhe komponimet antioksidante që ato përmbajnë mund të ndihmojnë në përshpejtimin e qarkullimit dhe mbajtjen e arterieve të pastra, gjë që ndihmon në ruajtjen e shëndetit të zemrës.
Ato ndihmojnë në rënien në peshë
Duke qenë se përmbajnë një burim të konsiderueshëm fibrash, mbajnë stomakun plot për një kohë më të gjatë dhe në këtë mënyrë reduktojnë dëshirën dhe nevojën për të ngrënë më shumë ushqim, mandarinat ndihmojnë në rënien në peshë. Mjekët kanë zbuluar se ngrënia e mandarinave ndihmon në reduktimin e insulinës në mënyrë që sheqernat e tyre të mos ruhen si yndyrë, por të shndërrohen në energji./Prishtinapress/
