Robert Lewandowski, 34 vjeç dhe gruaja e tij Anna, 33 vjeçe, bënë një postim surprizë në rrjetet sociale, duke sugjeruar se kishin vendosur të “martoheshin përsëri”.
Në këtë mënyrë ata ribënë betimet e tyre martesore dhe vendimi për të bërë një lëvizje të tillë në këtë moment me shumë mundësi nuk është aspak i rastësishëm.
Në qershor, një nga çiftet më të famshëm polakë festoi 10-vjetorin e martesës dhe fryt i dashurisë së tyre janë dy vajza – Klara gjashtëvjeçare dhe Laura trevjeçare.
“E bëmë përsëri”, shkroi çifti i famshëm polak në një fotografi ku Ana pozonte me një fustan të bukur të bardhë, ndërsa sulmuesi i Barcelonës ishte i veshur me një kostum elegant.
Në komente, fansat i uruan ata për rinovimin e betimit të martesës dhe në ceremoni morën pjesë miqtë e tyre të shumtë, përfshirë disa futbollistë të Barcelonës.
Nuk dihet ende nëse ceremonia ka qenë tërësisht private apo lista e të ftuarve ka qenë sekrete dhe e kufizuar.
https://www.instagram.com/p/CuZ_L7SLbOT/?utm_source=ig_web_copy_link&igshid=MzRlODBiNWFlZA%3D%3D