Mijëra mbështetës të juntës ushtarake që mori pushtetin në Niger marshuan drejt ambasadës franceze në Niamey.
Ata i vunë zjarrin derës, raportoi AP, duke cituar dëshmitarët e rastit që ishin pranë ndërtesës.
Tymi i zi mund të shihej që ngrihej nga i gjithë qyteti dhe ushtria nigeriane shpërndau turmën e protestuesve, sipas agjencisë amerikane.
Mijëra mbështetës të juntës që organizoi një grusht shteti në fillim të kësaj jave marshuan duke valëvitur flamujt rusë, duke brohoritur emrin e presidentit rus dhe duke denoncuar ish-fuqinë koloniale Francën.
Mohamed Bazum u zgjodh president dy vjet më parë pas transferimit paqësor të pushtetit që nga pavarësia nga Franca në vitin 1960, dhe rebelët thanë se ai u rrëzua sepse nuk ishte në gjendje të mbronte kombin nga rritja e dhunës xhihadiste.
Disa analistë dhe qytetarë nigerianë, megjithatë, thonë se ky është vetëm një pretekst për një rrëmbim pushteti që ka të bëjë më shumë me një luftë të brendshme për pushtet sesa me mbrojtjen e kombit.
