Volejbollistët e Shkëndijës së Tetovës janë sulmuar fizikisht në ndeshjen me Borecin në Veles të Maqedonisë së Veriut.
Skuadra shqiptare pësoi humbje me rezultat 3-2 në sete, teksa pas përfundimit të ndeshjes tifozët e ekipit kundërshtar sulmuan lojtarët.
“Rezultati mbeti nën hije të pritjes jo sportive të publikut vendas me skandime dhe sulme ndaj lojtarëve tanë që solli rrëmujë në sallën Park në Veles”, thuhet në njoftimin e ekipit shqiptar.
Ndeshja e tretë mes tyre do të zhvillohet të enjten në Tetovë, e cila do të jetë vendimtare për kualifikim në finalen e play-offit.