Një nga vajzat e plagosura, ditën e djeshëm pas sulmit me thikë në një shkollë në Gjermani ka humbur jetën.
BBC shkruan se 14-vjeçarja ka humbur jetën në spital, ndërsa e plagosura tjetër, 13 vjeç ndodhet në gjendje të rëndë.
Policia thotë se i dyshuari doli nga një strehë refugjatësh në fshatin Illerkirchberg të hënën në mëngjes dhe sulmoi nxënësit.
Një 27-vjeçar është arrestuar, dhe sipas policisë ai është një azilkërkues nga Eritrea.
Oficerët kontrolluan një ndërtesë aty pranë pas sulmit dhe e gjetën 27-vjeçarin me një thikë që dyshohet se ishte përdorur në sulm. Gjithashtu u arrestuan edhe dy persona të tjerë.
I dyshuari ndodhet nën roje policore në spital ku po trajtohet për një lëndim të paspecifikuar.
Në një deklaratë, policia i kërkoi publikut të mos e përdorë incidentin për të ngjallur dyshime ndaj të huajve ose azilkërkuesve.
Illerkirchberg është një qytet i vogël me një popullsi prej më pak se 5,000 persona sipas regjistrimit të vitit 2015.
Kryebashkiaku Markus Haeussler tha se të gjithë në qytet ishin të tronditur./Abcnews.al/
