Njësiti i Antikontrabandës të Doganës së Kosovës ka kryer dot një operacion në qytetin e Gjakovës, ku janë kontrolluar gjashtë lokacione, raporton Gazeta Sinjali.
Përmes një komunikate për media, Dogana njofton se si rezultat i këtyre kontrolleve, janë gjetur dhe sekuestruar mallra të paligjshme, të cilat përfshijnë:
- 30 telefona celularë Samsung dhe iPhone
- 62 pajisje "Airpods"
- 280 copë parfumë me origjinë nga Serbia
- 29 pako qaj për dobësim
- 88 pako të ndryshme të stimulansëve seksual
“Mallrat e zbuluara janë sekuestruar në përputhje me ligjin dhe rregulloret në fuqi. Në të njëjtën kohë, janë nisur procedurat e kundërvajtëse për personat përgjegjës. Dogana iu bën thirrje të gjithë qytetarët dhe subjekteve tregtare që të respektojnë rregullat dhe ligjet e zbatueshme në lidhje me tregtimin dhe importin e mallrave”, thuhet në njoftim.
