Ish futbollisti rus Dmitri Kirichenko thotë se nuk ka pritur që ndonjë lojtar i Shqipërisë t’ia thyente rekordin për golin më të shpejtë të shënuar ndonjëherë në Evropian.
Goli i Nedim Bajramit ndaj Italisë për 23 sekonda e kaloi golin e rusit, që kishte realizuar më 2004 ndaj Greqisë pas 67 sekondave.
Kirichenko së fundmi ka reaguar dhe e pranoi se asnjëherë nuk do ta mendonte që ndonjë lojtar shqiptar do t’ia thyente këtë rekord.
“E vërteta është se u habita kur e pashë që Bajrami e theu atë rekord. Mendoja gjithmonë se një ekip më i famshëm se Shqipëria do ta kalonte”.
“Ata në fakt shënuan pas 23 sekondave, prandaj urime”, deklaroi shkurtimisht ai.
Shqipëria është duke u përgatitur për përballjen ndaj Kroacisë, me shpresën që t’i marrë pikët e plota për t’u kthyer në garë për kualifikimin në fazën tjetër.
Kujtojmë, pas kroatëve “Kuq e Zinjtë” i pret përballje edhe më e vështirë, ndaj Spanjës.
