Përmes një gjykatësi të vetëm, Specialja do ta mbikëqyr zbatimin e vendimit për zhdëmtim të viktimave në rastin e ish kreut të UÇK-së, Salih Mustafa. Njohësit e drejtësisë tërë këtë proces e shohin si problematike.
Zhdëmtimi i 8 viktimave në rastin e ish-kreut të UÇK-së, Salih Mustafa, do të mbikëqyret nga Gjykata Speciale.
Ky institucion ka emëruar një gjykatës të vetëm që për një periudhë një vjeçare do ta ketë nën vëzhgim zbatimin e zhdëmtimin të viktimave, që kap vlerën e 207 mijë euro.
Nga Specialja po ashtu është caktuar edhe trupi gjykues që do të vendosë për ligjmërinë e vendimit dënues prej 22 viteve.
E kjo çështje, sipas Astrit Kolaj nga IKD, do ta mbajë pezull edhe zhdëmtimin e viktimave.
Si problematikë në tërësi, nga avokati Kadri Osajh, shihet zhdëmtimi i viktimave nga Kosova, bazuar në legjislacionin në fuqi.
Mustafa fillimisht u dënua me 26 vite burgim, por që me vendim të apelit, u zvogëlua në 22 vite.
