Napoli ka arritur fitore të madhe në derbin e xhiros së 18-të në Itali duke e mposhtur me rezultat të thellë vendin e dytë, Juventusin 5-1.
Njërin prej golave e shënoi edhe qendërmbrojtësi kosovar, Amir Rrahmani.
Pas ndeshjes, trajneri i Napolit, Luciano Spalletti e lavdëroi Rrahmanin.
Ai tha se futbollisti kosovar nuk ka frikë të luajë në hapësirë.
“Kim dhe Rrahmani nuk kanë frikë të luajnë me 30-40 metra hapësirë pas tyre dhe ndonjëherë na duhet të ndjekim topa të gjatë, por qëndrimi ynë bazë është ky. Në momentin që humbasim topin, duhet të bëjmë presion dhe ta kthejmë menjëherë”, u shpreh ai.
