Nga Gjykata e Apelit ku pritet që të nisë procesi në Gjykatën e Apelit për logon dhe vulën e PD-së, Rudina Hajdari në një deklaratë për media tha se kryetari i opozitës zgjidhet nga populli dhe jo gjykata.
“Unë dua të ju them qytetarëve që unë kam ardhur këtu si një qytetare, por edhe si një person që jam e lidhur me PD. Unë e konsideroj PD si familjen time, duke marrë parasysh se im atë rrezikoi jetën për ta formuar këtë PD dhe në fund dha jetën për parimet demokratike.
Ajo që po ndodh është e paprecedentë. Në çdo vend të botës kryetari i opozitës zgjidhet nga populli dhe jo nga një gjykatë. Ne jemi në kushtet ku po shkelen me këmbë parimet demokratike. Kryetari i partisë duhet të zgjidhet nga anëtarët e asaj partie. Gjykata nuk mund të shkelë më këmbë dhe të ju mohojë anëtarëve të PD votën e tyre. PD nuk mund të trajtohet si një plaçkë. Nuk mund të vendoset nga një trupë gjykuese. Duhet të ja lëmë popullit që të vendosë dhe ajo që më shqetëson mua është fakti që sot jemi para një procesi që po e trajton PD si një pronë private, është një absurditetet më vete.
PD është një aset publik, është një aset që ka 32 vite që ekziston ka patur studentët e Dhejtorit që rrezikuan jetën e tyre për ta shembur atë regjim. PD është ajo parti e cila pati shumë kontribute, ka bërë shumë gjëra të mirë. Është një aset publik, është opozitë e cila duhet të vendoset me zgjedhjen e anëtarëve të PD.
Unë e inkurajoj gjykatën që ta shikojë çështjen me vëmendje. Unë jam e shqetësuar për të ardhmen e vendit. I gjithë procesi është fallsitet. Nuk mund të trajtohet si pronë private një parti politike. Do ta inkurajoja gjykatën që të mos harrojë parimet demokratike, të mos lejojë pakicën të imponojë shumicën. Shumica është vullneti i shumicës nëpërmjet votës. Anëtarët e PD vendosin, demokracia nuk mund të jetë kurrë një proces. Sot i bëj thirrje gjykatës: Kini parasysh se partitë që janë në cdo cep të popullit, anëtarët zgidhen nga vullneti i lirë.
Nëse sot ne kemi një proces gjyqësor që është fallsitet që duket sikur po kthehet në levën e Ramës për ta futur opozitën në kaos total, që ta përçajë opozitën dhe për ta çuar Shqipërinë 32 vite përpara, uroj që trupa gjykuese t’i ketë parasysh këto parime“, tha ajo.
