Trupat e dy të rinjve nga Kosova, të cilët ranë viktima të terrorit në Munih të Gjermanisë, do të varrosen sot në Kosovë.
Diamant Zabërgja 21 vjeçar do të varroset në varrezat e fshatit Ropicë të Vushtrrisë në orën 14:00 të martës.
Ndërsa viktima tjetër e sulmit të tmerrshëm në Munih, Armela Segashi 14 vjeçare, do të prehet në varrezat e qyteti të Podujevës, në orën 17:00.
Diamant Zabërgja, Armela Segashi si dhe Sabina Sulaj janë tre shqiptarët të cilët u vranë të premten në Munih të Gjermanisë, nga gjermano-iraniani Ali Sonoboly.
