Rafael Leao ishte ylli i mbrëmjes në fitoren e Milanit në “Derby della Madonnina” ndaj Interit dhe ka justifikuar vlerësimin e klubit që kërkoi shumën e 150 milionë eurove pas interesimit të Chelseat këtë verë.
Sulmuesi 23-vjeçar portugez pati një fillim të ngadaltë në sezonin 2022-23, duke shënuar një gol dhe duke dhënë një asistim në katër ndeshjet e para të kuqezinjve.
Fillimi jo mbresëlënës i Leaos nuk kaloi pa u vënë re, por ai ndryshoi situatën sonte.
Leao kontribuoi në të tre golat në fitoren e Milanit në derbin e sotëm, duke shënuar një dygolësh dhe duke dhënë asistimin për golin e Olivier Giroud.
Ai dukej elektrik në fushë, duke kaluar me lehtësi mbrojtjen e Interit teksa i çonte kuqezinjtë përpara sa herë kishte topin.
Chelsea ishte i interesuar për sulmuesin portugez këtë verë, por Milani qëndroi i vendosur në vlerësimin e tyre prej 150 milionë euro, duke i larguar Blutë nga gara. Mediat shkruanin se skuadra e Ligës Premier ishte e gatshme të paguante mbi 100 milionë euro, një shumë që shumë analistë mendonin se kuqezinjtë duhet ta kishin pranuar, por pozicioni i klubit nuk ndryshoi.
Milani do të ndihet i justifikuar për vendimin e tyre sonte. Leao ishte heroi në derbi dhe performanca e tij mund të vlejë më shumë se vetëm tre pikë në fund të sezonit.
Golat padyshim që do t’i japë atij një rritje të madhe të besimit, e cila mund të jetë pikërisht ajo që i duhet për të vazhduar t’u tregojë klubeve më të mira të Evropës se pse ai vlen një çmim kaq të lartë.
