Si ndodh që një skocez i moshës së mesme që jeton në malet skoceze përfundon duke u bërë musliman – veçanërisht kur ai nuk ka takuar siç duhet një musliman në jetën e tij?
Këtu edhe nis rrëfimi i një skocezi, i cili u konvertua në mysliman. Ai për The Independent rrëfen se si mori vendimin për të ndërruar dhe për t’u bërë një besimtar i devotshëm i fesë Islame.
“Për mua, të gjitha filluan kur dëgjova thirrjen për lutje nga një xhami vendase, ndërsa ndodhesha në një festë plazhi në Turqi. U zgjua diçka brenda meje, dhe më frymëzoi të filloja një kërkim shpirtëror”, tregon skocezi, i cili posa kthehet në shtëpinë e tij në Inverness, shkon në librari blen një Kur’an.
‘Gjatë leximit, gjithmonë i kërkova Perëndisë që të më udhëzojë në udhëtimin që kisha nisur. Shumë lutje. Shumë kohë në gjunjë. Kurani me të vërtetë më tronditi. Është një libër shumë i frikshëm për ta lexuar, sepse ju tregon aq shumë për veten tuaj. Disa gjëra që gjeta për veten nuk më pëlqenin. Kështu që vendosa të bëja disa ndryshime. E dija që unë mund ta ndaloja leximin e Kur’anit dhe ta ndaloj procesin në çdo kohë, por gjithashtu e dija se do të thoshte të jepja diçka vërtet të rëndësishme. E dija se cili do të ishte rezultati përfundimtar i këtij procesi: Unë do të isha musliman’, tregon tutje ai.
Kështu skocezi vazhdoi të lëxojë Kur’anin tre herë radhëzi. I cili më tutje tregon se ka pasur frikë në fillim se si të tjerët do ta prisnin ndryshimin e tij.
‘Pjesa e vështirë ishte nëse do të bëhesha i çuditshëm, të vishem ndryshe, të flas ndryshe në sytë e të tjerëve? Çfarë do të më thoshte familja, miqtë dhe shokët e punës? Më e rëndësishmja, çfarë do të mendoj për veten time? A do të më pëlqente kush isha?’.
I gjithë ky process atij i mori 18 muaj, derisa ai përgjatë kësaj kohe s’kishte takuar asnjë mysliman.
‘Pas këtyre 18 muajve, unë e konsiderova veten mysliman. Unë isha lutur pesë herë në ditë, duke agjëruar për Ramazanin dhe duke ngrënë e pirë vetëm atë që ishte konsideruar e pranueshme sipas mësimeve të Kur’anit. Vetëm atëherë kuptova se në qytetin tim ishte një xhami e vogël. Kështu që unë jam tani një musliman i bardhë, mes moshës skoceze. Dhe e lumtur me të”, përfundon ai.
