Minatorët e minierës së Trepçës nga dita e sotme kanë hyrë në grevë për shkak të mos daljes së pagave për muajin qershor.
Minatorët janë shprehur të pakënaqur që nuk kanë marrë pagat dhe si shenjë proteste kanë hyrë në grevë.
Minatorët njoftuan Gazetën Insajderi se kanë hyrë në grevë edhe për shkak të kushteve të rënda që kanë brenda minierës.
Sipas tyre, grevën do ta ndalin kur shteti t’iu ekzekutoj pagat për muajin e kaluar.
Kjo nuk është hera e parë që ky sektor përballet me mungesë ta pagave. Shumë herë atyre iu vonohen pagat ose nuk iu dalin fare.
