Policia gjermane ka përdorur topa uji për të shpërndarë turmën e protestuesve, që kishin dalë nëpër rrugë për të demonstruar kundër masave anti-epdemike në qytetin e Frankfurtit, raporton Reuters.
Pas intervenimit të policisë masa është shpërndarë, e protestuesit sipas policisë nuk kanë respektuar masat mbrojtëse siç është bartja e maskave dhe ruajtja e distancës fizike, transmeton Telegrafi.
Në rrugët e Frankfurtit kishin dalë rreth 600 qytetarët nga lëvizja “Kverdenker”, që janë kundër masave të pandemisë që janë vënë nga qeveria gjermane.
Zëdhënësi i policisë ka bërë të ditur se masa është shpërndarë pasi pjesëtarët e policisë intervenuan, kur e panë se protestuesit nuk bartnin maska dhe nuk respektonin distancën fizike.
Në anën tjetër zyrtarët e lartë gjermane pretendojnë se ekzistojnë gjasa të vogla që të zbuten masat, që janë vënë në fillim të këtij muaji.
Autoritetet gjermane kanë mbyllur restorantet, derisa shkollat dhe dyqanet lejohen të punojnë. E Ministri i Shëndetësisë, Jens Span, ka thënë se para qytetarëve të Gjermanisë janë javët e vështira, ku sipas tij mund të ndodhë të jenë edhe muaj.
Ai është shprehur i bindur se nevojitet një kohë e gjatë kohore të kalojë, që të zvogëlohet numri i rasteve me coronavirus. Në anën tjetër në Gjermani sot janë konfirmuar 22.461 raste të reja me COVID-19, ku numri i përgjithshëm që nga fillimi i pandemisë ka shkuar në 775.556.
