Rusia njoftoi të mërkurën se rrëzoi dy dronë që synonin Kremlinin në një përpjekje “terroriste” për të vrarë presidentin Vladimir Putin.
Në të njëjtën kohë, Ukraina mohoi përfshirjen në sulm.
“Mbrëmë, regjimi në Kiev tentoi të sulmonte Kremlinin” me dy dronë, të cilët u “çaktivizuan” nga sistemet e luftës elektronike, thuhet në njoftimin për shtyp të Presidencës ruse.
Operacioni u përshkrua si një “akt terrorist dhe një përpjekje për të vrarë Presidentin e Federatës Ruse”.
Presidenca konfirmoi se mbetjet e dy dronëve ranë brenda Kremlinit, por se askush nuk u lëndua.
Incidenti ka ngritur pikëpyetje në lidhje me masat e sigurisë që Rusia ka vendosur në kryeqytet dhe efektivitetin e atyre masave në zmbrapsjen e sulmeve që mund ta ekspozojnë atë ndaj sulmeve si ai që ndodhi të mërkurën.
Sisteme të fuqishme mbrojtëse S-400 dhe S-300
Moska është një nga kryeqytetet më të fortifikuara në botë dhe fuqitë e mëdha zakonisht mbrojnë qendrat e tyre të vendimmarrjes me sisteme mbrojtëse me shumë shtresa.
Rusia ka rrethuar kryeqytetin dhe qendrën vendimmarrëse me një mburojë antiraketë për të kapur çdo sulm raketor bërthamor ose strategjik.
Sistemet e mbrojtjes janë vendosur rreth Moskës, nga të cilat veçohet sistemi S-400.
Ekspertët ushtarakë e cilësojnë këtë sistem si një nga sistemet më të mira të mbrojtjes ajrore.
S-400 është një sistem i lëvizshëm rus i mbrojtjes ajrore që zbulon objektivat në ajër në një distancë prej 400 kilometrash.
Sistemi mund të angazhojë 80 objektiva njëkohësisht, duke drejtuar dy raketa tokë-ajër në çdo objektiv.
Ekziston edhe sistemi S-300, i cili është projektuar për të kundërshtuar sulmet e avionëve dhe raketave me rreze të gjatë, siç janë raketat e lundrimit.
Ai mund të përgjojë 24 avionë ose 16 raketa balistike njëkohësisht në një distancë deri në 250 kilometra.
Rusia mbron vendet jetike dhe të ndjeshme me sisteme të mbrojtjes raketore me rreze të shkurtër veprimi, siç është sistemi Pancir-S1.
Ky sistem përshkruhet si mbrojtësi i qiellit të Moskës, dhe është në gjendje të zbulojë dhe shkatërrojë objektivat ajrore në një distancë prej 20 kilometrash.
Ndalimi i fluturimit të dronëve mbi Moskë
Përveç mbrojtjes raketore, Rusia po merr masa të tjera për të mbrojtur zemrën e Moskës, veçanërisht selinë e lidershipit politik të vendit, Kremlinin.
Autoritetet ruse ndërpresin sistemet e navigimit ajror dhe tokësor dhe të gjitha komunikimet gjatë lëvizjes së presidentit dhe stafit komandues të nivelit të parë.
Që nga fillimi i luftës në Ukrainë në shkurt 2022, autoritetet ruse kanë ndaluar të gjitha llojet e dronëve të fluturojnë mbi Moskë.
Në përgjithësi, Rusia ka krijuar një unazë në tokë, në ajër dhe në det, madje edhe në botën virtuale, e cila e mbron atë nga çdo sulm armik.
Prandaj, lind pyetja: Si e anashkaluan dronët këtë rreth dhe arritën në zemrën e Rusisë dhe qendrës së saj vendimmarrëse?
Ndaj, nga njëra anë bie dhe era konspiracion