Në lagjen Pejton në Prishtinë, një shtyllë elektrike ra mbi një veturë që ishte në lëvizje dhe si pasojë u lënduan 3 persona.
Lidhur me rastin, detaje ka dhënë zëdhënësja e Policisë, Flora Ahmeti.
Siç njofton Policia rasti ka ndodhur në rrugën “Bekim Fehmiu” rreth orës 13:40.
Njoftimi i Policisë:
“Sot rreth orës 13:40, kemi pranuar informatës se në rrugën “Bekim Fehmiu” në Prishtinë, një shtyllë elektrike ka rënë mbi një veturë e cila ishte në lëvizje. Si pasojë tre persona janë lënduar dhe të njëjtve u është ofruar tretman mjekësor. Njësitet përkatëse të Drejtorisë Rajonale të policisë në Prishtinë po merren me rastin”/Prishtinapress/
