Një shpikës nga Rusia, ka projektuar shtratin që mund të mbrojë njerëzit e rrezikuar nga tërmetet.
Edhe pse në pamje të parë duket si një shtrat normal, ai është pak i lartë dhe ka sensorë të cilët zbulojnë lëvizjen e tërmetit duke u shndërruar në një kuti të fortë të çeliktë që i ngjan një arkivoli.
Sipas projektuesit, posa të ndodhë dridhja e tokës dysheku bie poshtë pjesës së brendshme metalike të krevatit, duke u mbyllur me një kapak, e që shpëton personin që gjendet brenda.
Tërmetet mund të jenë nga më të ndryshmet dhe personi që gjendet brenda gërmadhave i mbyllur në këtë krevat, do t’i nevojitej ushqim e ujë për të jetuar derisa të gjendej nga njësitë e shpëtimi, njofton Telegrafi.
Për këtë projektuesi rus ka paraparë ushqim, ujë në shishe, materialet e ndihmës së parë, madje edhe maska e gazit mbahen në fund të strukturës për të siguruar personin që të jetojë për aq kohë sa do të qëndrojë.
Ky lloj shtrati i çeliktë mund të përballojë 60 tonë ngarkesë mbi të, pa e rrezikuar personin brenda.
Në videon më poshtë, mund të shihni të gjithë procesin e funksionimit të këtij shtrati.
