Ministri i Shëndetësisë, Rifat Latifi, që u kthye nga Amerika për të udhëhequr me dikasterin e Shëndetësisë, ka tre shtëpi në SHBA të cilat kapin vlerën e 2 milionë e 550 mijë dollarëve.
Ai posedon edhe një banesë 174 metra katrorë në vlerë 130 mijë eurp por që s’e ka bërë të ditur lokacionin e saj.
Doktori Latifi ka deklaruar në Agjencinë Kundër Korrupsion se ka në pronësi 4 vetura që kapin vlerën e 138 mijë dollarëve amerikan.
Në një bankë në Amerikën, Latifi ka deklaruar se ka 100 mijë dollarë para të gatshme.
Kurse detyrime financiare ndaj bankave kapin shifrën e rreth 1 milionë dollarëve për tri shtëpitë e blera në New York, Flagstaff, Arizona dhe Scottsdale, Arizona.
Ministri Latifi ka deklaruar se pensionet nga puna në SHBA kapin vlerën e 1 milionë dollarëve në stock-market.
Ai e ka në pronësi edhe një tokë me sipërfaqe 215 ari në zonën kadastrale Graçanicë që kap vlerën e 1.5 milion eurove dhe të njëjtë tokë e ka në emër të motrës së tij.
