Shtëpia e Bardhë ka thënë se një takim në Uashington midis zyrtarëve amerikanë dhe izraelitë për të diskutuar alternativat ndaj një pushtimi tokësor të qytetit jugor Rafah të Gazës ka të ngjarë të ndodhë javën e ardhshme.
Presidenti i SHBA, Joe Biden i kërkoi kryeministrit izraelit, Benjamin Netanyahu dje në një telefonatë që të dërgojë një delegacion zyrtarësh në Uashington për të diskutuar planet e Rafahut, shkruan CNN.
Ndërkaq, ende nuk janë dhënë detaje në lidhje me këto biseda dhe as për atë se kush do të marrë pjesë.