Portieri veteran, Guillermo Ochoa, regjistroi një tjetër paraqitje klasi për Salernitanan duke ia mohuar Napolit festën e hershme të Scudettos.
37-vjeçari nënshkroi për skuadrën italiane në afatin kalimtar të janarit një kontratë gjashtëmujore me opsionin për ta vazhduar për dy vite të tjera.
Që nga arritja në Serie A, ai ka shkëlqyer duke qenë ndër lojtarët më të mirë në ekip dhe falë pritjeve të tij janë marrë disa rezultate më të mira.
Për më shumë, portieri i ka ndihmuar Salernitanas që të regjistrojë nëntë ndeshje radhazi pa humbje.
Lega Serie A e ka publikuar një përmbledhje nga shtatë pritjet e Ochoas në barazimin e të dielës (1-1) ndaj Napolit.