Klinika e Endokrinologjisë e Qendrës Klinike dhe Universitare e Kosovës, ka rritur performancën e punës. Kështu thuhet në një komunikatë për media të SHSKUK-së, sipas të cilës bazuar në raportin e punës së tremujorit të parë të vitit 2023, vërehet rritje e dukshme e vëllimit të punës.
Në komunikatë po ashtu thuhet se për këtë periudhë kohore, ka pasur gjithsej 210 pacientë të shtrirë (rritje 15%), 4,315 vizita ambulantore (rritje 31%), 825 konsultime specialistike (rritje 27%).
Në këtë klinikë janë kryer edhe 960 ultrasonografi të tiroides (rritje 34%), 210 punksione aspirative të nodujve në tiroide (FNAB) (rritje 28%) gjatë të cilëve janë diagnostikuar kancere të tiroides dhe patologji tjera.
Janë shkurtuar ditët e qëndrimit në klinikë për 23%.
