Pajazit Jashari, një nga themeluesit e lëvizjes për “braktisjen vullnetare të fesë islame”, ka thënë në Pressing të T7, se qëllimi i këtij organizimi është të tregojnë çfarë është Islam radikal.
Sipas tij, “gjithçka shqiptare nëpër xhami po mohohet”.
Madje, ai ka thënë se “po mohet edhe flamuri, gjuha shqipe, Skenderbeu, Nënë Tereza, etj”.
Përpos kësaj, Jashari thotë se “po lëshohet volumi i lartë nëpër xhamia”.
“Gjtihçka çfarë është shqiptare po luftohet në xhami, është një pjesë e Mulla Idriz Gjilaneve patriotave hoxhallarë që neve na kanë tregu që jemi vonë, reagoni. Mohohet flamuri, mohohet gjuha, mohohet Skënderbeu, mohohet Nëna Terezë, mohohet Pjetër Bogdani, madhërohen sulltanët pushtues. Këto janë të patolerueshme”, ka thënë ai.
Më tutje, Jashari ka thënë se “nuk e dinë pse hoxhallarët po reagojnë kaq ashpër”, duke thënë se “jetojmë në demokraci”. /Gazeta Express