Shqiptarët e bllokuar në kufi me Greqinë, reagon Basha: Braktisje mizore, thirrje Ramës t’i lejojë të hyjnë në Atdhe

Ndërsa poston foton e tensionit në kufi, Basha shkruan se është e pafalshme dhe çnjerëzore që prej 4 ditësh dhjetëra nga bashkëqytetarët tanë janë lënë në mëshirë të fatit, në tokë mes Shqipërisë dhe Greqisë.

Basha ka thënë se braktisje e tillë mizore përbën një krim kaq të rëndë, sa asnjë shoqëri e civilizuar.

“Është e pafalshme dhe çnjerëzore që prej 4 ditësh dhjetëra nga bashkëqytetarët tanë janë lënë në mëshirë të fatit, në tokë asnjëanëse mes Shqipërisë dhe Greqisë. Një braktisje e tillë mizore përbën një krim kaq të rëndë, sa asnjë shoqëri e civilizuar nuk mund ta falë, dhe që një prokurori me një fije integritet nuk mund të mos e hetojë”, shkruan ai.

Më tej bën thirrje qeverisë Rama të lejojë këta bashkëqytetarë të hyjnë në atdheun e tyre.

“I bëj thirrje qeverisë të lejojë këta bashkëqytetarë të hyjnë në atdheun e tyre. Të merren masa për transportin dhe strehimin e tyre në qendrën për karantinim në konvaleshencën e Durrësit. Të bëhet testimi i tyre dhe më pas në varësi të gjendjes shëndetësore të dërgohen pranë shtëpive dhe familjeve të tyre.

Braktisja e tyre në këtë kohë të vështirë është e papranueshme, është kriminale”, ka shkruar Basha. /Telegrafi/

PostAdss