Shqipëria sot merr presidencën e Këshillit të Sigurimit në Nju Jork.
Kryeministri i Shqipërisë, Edi Rama në ceremoninë e marrjes të kësaj presidence 30 ditore do të mbajë një fjalim rasti.
Ndryshe, një ditë më parë Rama u prit nga sekretari i Përgjithshëm i OKB-së, Antonio Guterres.
Shqipëria i është bashkuar Këshillit të Sigurimit të Kombeve të Bashkuara, si anëtar jo i përhershëm ku ka marrë edhe përgjegjësinë e bashkë-penëmbajtësit me Shtetet e Bashkuara, për çështjen e Ukrainës.
Rama i shoqëruar nga ministrja për Evropën dhe Punët e Jashtme, Olta Xhaçka udhëtuan drejt Shteteve të Bashkuara të Amerikës me rastin e marrjes nga Shqipëria të presidencës së Këshillit të Sigurimit të OKB-së,
“Krenar për Shqipërinë që nesër merr presidencën e Këshillit të Sigurimit të OKB-së, për herën e parë në histori dhe përtej çdo imagjinate të vetëm deri pak viteve më parë”, ka shkruar Rama në Facebook.
