Kombëtarja kuqezi ka dy sfida të vështira në shtator. Të besuarit e Sylvinhos do të përballen me Çekinë në Pragë dhe me Poloninë në “Air Albania”.
Përsa i përket ndeshjes së dytë, atë kundër polakëve në Tiranë, ka interes mjaft të madh nga tifozët mysafirë. Bëhet me dije se të gjitha biletat e vendosura në dispozicion tifozët polakë janë shitur për ndeshjen që Kombëtarja e Lewandowskit do të luajë në Shqipëri. Shitja e biletave është bërë në kohë rekord prej 10 minutash.
Pavarësisht momentit jo të mirë që Polonia po kalon, tifozët janë aty për t’i mbështetur si gjithmonë.