Një grup i pacientëve që vuajnë nga diabeti, janë ankuar për injeksionet e reja të insulinës në formë lapsi, sepse manualët e tyre janë të shkruara tërësisht në gjuhën angleze.
Medikamentet që iu ka shpërndarë Qendra Kryesore e Mjekësisë Familjare në Pejë, tani kanë një mënyrë tjetër përdorimi, transmeton Telegrafi.
Por, ata po kanë problem me pajisjen e re, sepse nuk përshkruhet mënyra e përdorimit në gjuhën shqipe, megjithëse procedura është e ilustruar.
“Shumica nga ne nuk e dimë gjuhën angleze, kurse lapsat e ri po duken se janë më vështirë të përdoren. Sikur të mos e marrim dozën si duhet, ne mund të kemi probleme serioze” ka thënë njëri nga pacientët në kushte anonimiteti./PrishtinaPress.eu
