Kryetari i Prishtinës, Shpend Ahmeti, ka folur për kohën kur i ishte bashkuar Lëvizjes Vetëvendosje të Albin Kurtit.
Komentet Ahmeti i bëri në emisionin DPT te Fidani në T7.
“Prej ditës së parë kur jam bërë kryetar, por fillimisht kur kam hy në VV më 2011, gjysma e shokëve dhe e familjes u tutshin me më fol”, thotë Ahmeti.
“Ka qenë shumë vështirë atëherë në Vetëvendosje, por unë isha në universitetin amerikan, ish pak problem edhe atje. Më këqyrshin pak si ndryshe. Me kohë krejt kjo u bë kontra, mos me qenë me VV’në është problem”, shpjegoi ai.
