Mbrëmë, në gjysmë të natës u bë shpallja e tenderit për zgjerimin e rrugës Prishtinë – Pejë, konkretisht segmenti Dollc – Zahaq.
Ministria e Infrastrukturës e ka publikuar ofertën në platformën E-prokurimi, ku bëhet e ditur se vlera e këtij tenderi është 45 milionë e 690 mijë euro.
Puna parashihet të kryhet në katër lote.
Qeveria e Kosovës në fund të vitit të kaluar kishte miratuar vendimin për shqyrtimin e mëtejmë të kërkesës për shpronësim për interes publik të pronave të paluajtshme të cilat preken nga realizimi i projektit: Zgjerimi i Rrugës Nacionale N9 Kijevë-Zahaq, segmenti Kijevë-Dollc, Zona kadastrale: Kijevë, Komuna Malishevë dhe zonat kadastrale: Çabiq, Zabërgjë, Gllarevë, Dresnik, Gremnik dhe Dollc të Komunës së Klinës.
