Kohëve të fundit është raportuar mjaftë në lidhje me telefonin e ardhshëm të Samsungut, Galaxy C9 Pro, duke përfshirë informata në lidhje me specifikat dhe fotografitë zyrtare.
Ndërsa tani, janë shfaqur disa fotografi në të cilat thuhet se fjala është për Galaxy C9 Pro në version me ngjyrë të zezë, transmeton Koha.net.
Samsung Galaxy C9 Pro pritet të vijë me ekran 6-inç, procesor Snapdragon 652, 6 gigabajt RAM memorie dhe 64 gigabajt memorie të brendshme, si dhe me baterinë prej 4 mijë mAh.
Gjithashtu, Galaxy C9 Pro pritet të vijë me kamerën kryesore dhe atë të përparme prej 16 megapikselë, si dhe me portin për USB Type-C.
Sa i përket lansimit të këtij telefoni, një herë është raportuar se do të lansohej këtë muaj por tani thuhet se do të lansohet muajin e ardhshëm.
