Një sherr masiv mes shqiptarëve ka ndodhur mbrëmjen e së martës në San Bonico, në Piacenza. Mediat italiane bëjnë me dije se si pasojë e zënkës një burrë ka përfunduar në spital me vesh të këputur.
Ende nuk dihen arsyet e sherrit të dhunshëm mes shqiptarëve, apo se si përfundoi personi i plafosur me veshin e prerë.
I dëmtuari është transportuar në spital nga ekipet e shpëtimit dhe ka marrë kujdesin e nevojshëm mjekësor jashtë rrezikut për jetën.
Qytetarët e alarmuar kanë njoftuar policinë e cila ka bërë shoqërimin e dy personave.
Ndërkohë që po vijojnë hetimet për identifikimin e personave të tjerë të përfshirë, si dhe zbardhjen e shkaqeve të kësaj ngjarjeje të rëndë.
