Presidenti i Shteteve të Bashkaura të Amerikës, Joe Biden, i është nënshtruar një intervenimi kirurgjikal.
Në këtë intervenim, atij i është hequr një tumor malinje nga gjoksi, transmeton Indeksonline.
Shtëpia e Bardhë njoftoi sonte se një lezion u gjet në gjoksin e Bidenit muajin e kaluar, gjatë vizitës së tij vjetore dhe pas një biopsie, mjekët përcaktuan se ishte malinje.
Doktori Kevin O’Connor i Shtëpisë së Bardhë tha se ishte karcinoma e qelizave bazale, por ata ishin në gjendje të hiqnin të gjithë indin kanceroz.
“Nuk kërkohet trajtim i mëtejshëm” deklaroi O’Connor.
Ndërkohë, pritet që presidenti amerikan në ditët në vijim të shpallë kandidaturën për një mandat të radhës si president i ShBA-së.