Shërbimi i Kërkim-Shpëtimit Malor të Kosovës (ShKShMK) ka njoftuar se ka përfunduar me sukses operacionin për shpëtimin e disa turistëve në Malet e Sharrit.
Në një postim në Facebook, ShKShMK tha se të gjithë turistët janë kthyer në Prevallë shëndoshë e mirë dhe pa lëndime, falë ndërhyrjes së shpejtë dhe profesionale të ekipit.
“Në këtë operacion morën pjesë një ekip i ShKShMK-së, i cili mundi të sigurojë kthimin e turistëve në Prevallë. Ndërkohë, një ekip tjetër është nisur në një aksion tjetër për kërkimin dhe shpëtimin në një zonë tjetër të vendit”, thuhet në njoftimin e ShKShMK.
Po ashtu, ShKShMK ka filluar një operacion kërkimi për gjetjen e Alpit të vogël nga Gjilani, i cili është raportuar i zhdukur, dhe janë duke ndërmarrë masa për të siguruar gjetjen e tij sa më shpejt.
