Sekretari i ri i Përgjithshëm i NATO-s, Mark Rutte, ka vlerësuar se gjendja e sigurisë në Kosovës është e brishtë, duke shprehur njëkohësisht shqetësimin për mospërparim në dialogun Kosovë-Serbi për normalizim të marrëdhënieve.
“Situata në Ballkanin Perëndimor mbetet shqetësuese me kërcënimet për ndarje në Bosnje e Hercegovinë, situatën e brishtë të sigurisë në Kosovë dhe përparimin e vogël në dialogun e lehtësuar nga BE mes Beogradit dhe Prishtinës“, tha Rutte për gazetarë në prag të takimit të Ministrave të Mbrojtjes të vendeve anëtare të NATO-s, siç e citoi “Radio Evropa e Lirë”.
“Për më shumë se dy dekada KFOR-i ka ruajtur një ambient të qetë dhe sigurt për të gjithë njerëzit në Kosovë dhe lirinë e lëvizjes. Përkushtimi i NATO-s për KFOR-in mbetet i fuqishëm edhe sot“, theksoi Rutte.
