Shtetet e Bashkuara të Amerikës nuk do të mbështesin një operacion ushtarak izraelit në Rafah “pa planifikim serioz për civilët”, tha zëvendës zëdhënësi i Departamentit të Shtetit, Vedant Patel.
“Për të kryer një operacion të tillë tani pa planifikim dhe pak mendim në një zonë ku ka strehë për një milion njerëz do të ishte një fatkeqësi”, tha Patel në një konferencë shtypi të enjten, shkruan CNN.
Patel tha se ShBA nuk do të mbështeste një operacion të tillë ushtarak pa planifikuar “pasi lidhet me më shumë se një milion njerëz që janë strehuar atje, si dhe pa marrë parasysh ndikimet në ndihmën humanitare dhe largimin e sigurt të shtetasve të huaj”.
Patel shtoi se Sekretari Amerikan i Shtetit, Antony Blinken ia bëri të qartë këtë kryeministrit izraelit, Benjamin Netanyahut në takimet në Izrael të mërkurën.