28 Nëntori po festohet gjithandej ku ka shqiptarë sot.
E festës më të madhe të shqiptarëve i janë bashkuar edhe dy yjet e diasporës, Xherdan Shaqiri dhe Granit Xhaka.
Futbollisti i Chicago Fire ka shkruar “Urime 111 vjetorin”, duke ia përcjellë një figurë zemër, ndërsa në foto i ka shfaqur heronjtë kombëtarë, Skënderbeun, Ismail Qemalin dhe Isa Boletinin.
Kurse, Xhaka e shfaqi një fotografi të tij në fanellën e ekipit aktual, Bayer Leverkuseni, me ngjyra kuq e zi, ndësa ka shkruar: Gëzuar 111 vjetorin e Pavarësisë Shqipëri”, duke ia përcjellë formimin e shqiponjës dykrenore me duar.
Ndonëse e përfaqësojnë Zvicrën, ata nuk e kanë fshehur asnjëherë faktin se me rrënjë janë shqiptarë, duke e formuar madje edhe shqiponjën dykrenore me duar kohë pas kohe dhe atë në ndeshje mjaft të mëdha dhe domethënëse.
Dy futbollistët nga Kosova ua kanë uruar sot Ditën e Flamurit krejt shqiptarëve përmes postimeve që i bënë në rrjetet sociale. /Gazeta Express/
