Daniel Serwer, profesor i njohur nga ShBA-ja, ka shkruar një artikull në një mujorin e sulmit terrorist në Banjskë të Zveçanit.
Në artikullin e titulluar “Një provokim terrorist i dështuar”, profesori veteran shkroi se Serbia edhe pas sulmit të 24 shtatorit ka vazhduar të kërcënojë Kosovën me dhunë.
“Që nga 24 shtatori, Serbia ka vazhduar të kërcënojë Kosovën me dhunë. Ajo ka festuar paraushtarakët e përfshirë në komplotin e prishur dhe ka shpallur një ditë zie për tre terroristët që u vranë. Grafitet me vlerë të lartë të prodhimit në Serbi, duke përfshirë stadiumet e futbollit, dhe në katër komunat veriore të Kosovës me shumicë serbe, kanë promovuar idenë se forcat serbe së shpejti do të kthehen në Kosovë. Forcat e armatosura serbe janë ende në gatishmëri të lartë”, shkroi ai.
Tutje, Serwer ka përmendur edhe gjuhën e urrejtjes së medieve që Serbisë.
“Presidenti Vuçiq dhe mediat që ai kontrollon përdorin gjuhën e urrejtjes duke iu referuar Kosovës, liderëve të saj politikë dhe shqiptarëve në përgjithësi. Ambiciet për të krijuar “botën serbe”, një kopje e zbehtë e “botës ruse” të Putinit që përfshin Ukrainën, janë të përhapura. Serbia ka rritur në mënyrë dramatike stërvitjet e saj ushtarake me Rusinë. Frikësimi i serbëve në veri të Kosovës nga Beogradi për të parandaluar bashkëpunimin me Prishtinën vazhdon, ashtu si edhe operacionet e fshehta kundër institucioneve të Kosovës”, u shpreh Serwer.
