Profesori amerikan, Daniel Serwer, tha se marrëveshja e Ohrit ndërmjet kryeministrit të vendit, Albin Kurti dhe presidentit serb, Aleksandar Vuçiq nuk ka substancë përveç idesë së vetëmenaxhimit të komunitetit serb në Kosovë.
Në një intervistë me RTV21 Serwer tha se kryeministri Kurti ishte në një presion të madh por ai u pajtua me një marrëveshje që është në disavantazh për Kosovën.
Profesori amerikan tha se vendosja e reciprocitetit në raport me të drejtat e serbëve në Kosovë dhe shqiptarëve në Luginë të Preshevës është çështje thelbësore.
“Ai [Kurti] ishte nën një trysni të jashtëzakonshme, por ai u pajtua për diçka që ishte një disavantazh për Kosovën. Problemet më të mëdha janë ato që nuk janë brenda marrëveshjes”, ka thënë Serwer.