Sërish ka dalë jashtë kontrollit zjarri në qendrën tregtare “Metropol” në Lushnjë.
Në katin e fundit të qendrës, një lokal i ndërtuar nga druri është përfshirë totalisht nga flakët duke bërë kështu që zjarri të dalë jashtë kontrollit, raporton Euronews.al.
Zjarri sot kishe nisur fillimisht rreth orës 14:40, ku të gjitha strukturat u angazhuan për evakuimin e personave që ishin në godinë dhe në dy pallatet përreth.
Ata që ishin bllokuar brenda objektit, janë shpëtuar, ndërsa të lënduarit që janë dërguar në spital janë jashtë rrezikut për jetë.
