Serbia ultimatum Kosovës që taksën ta heqë deri më 6 maj

Ai tha se atëherë do të jenë gjashtë muaj që kur Prishtina vendosi taksa për mallrat nga Serbia.

Presidenti i Serbisë, Aleksandar Vuçiq, deklaroi gjithashtu se vendi i tij është në një periudhë jashtëzakonisht të vështirë, pasi do të kërkohet të njohë pavarësinë e plotë të Kosovës, pa ndarje, në një territor të plotë dhe gjithëpërfshirës.

Vuçiq tha se ai pret në Berlin të kërkohet ndryshimi i formatit të bisedimeve për Kosovën dhe që bisedimet të vazhdojnë pa heqjen e taksës.

“Nuk do të pajtohem me dialogun pa heqjen e taksës”, tha Vuçiq.

Ai tha se do të flasë me presidentin e Kinës dhe Rusisë në Pekin, dhe pastaj do të shkojë në Berlin, ku pritet të ketë takime shumë të vështira me udhëheqësit e Francës dhe Gjermanisë.

Ndryshe, kryeministri i Kosovës, Ramush Haradinaj, ka paralajmëruar se heqja e taksës do të ndodhë vetëm pas njohjes së Kosovës nga ana e Beogradit zyrtar./KSP

PostAdss